Embedded Event Manager "EEM"

الموضوع ده من أهم المواضيع الموجودة بكورس المحترفين CCNP Enterprise

والمقال ده إن شاء الله هيساعدك تفهم فكرته بشكل أوضح بأكثر من مثال

ال EEM بيساعدك ت Automate Specific Task وتحدد ال Task دى تشتغل إمتى

يعنى بتطلب من الراوتر إنه ي Track حاجه معينه ولما تحصل هيبدأ هو ياخد ال Action وينفذ ال Task دى

ومش بس كده هو كمان ممكن ي Report الحاجة اللى حصلت ويبعتلك Mail مثلا عال Mail Server يقولك إيه اللى حصل

فنقدر نلخص الموضوع فجملة واحدة

Real time reporting, tracking, and automation

وده ممكن يتحقق بأكتر من طريقة سواء بأوامر عال CLI أو ب Script

وفالمقال بتاعنا هنشرحه إن شاء الله بالطريقة الأولى وهى ال Applets أو ال CLI

وتعال أديك المثال الأول :

لو أنا مثلا عاوز الراوتر يراقب ال WAN Port بحيث لو اتقفل هو أوتوماتيك يبدأ يفتحه

فأول حاجه هعملها إنى هقفل البورت وأعمل copy لل SysLog Msg علشان أقول للراوتر لو شاف الرسالة دى يبدأ ياخد Action

int s0/0

shutdown

هتظهرلى دلوقتى الرسالة دى وهاخدها Copy

Interface s0/0, changed state to administratively down

ودلوقتى هقول للراوتر لو ظهرلك الرسالة دى إعمل الأتى :

1- إفتح البورت

2- إبعتلى Mail بلغنى فيه باللى حصل

3- طلعلى SysLog Msg محددة انا اللى هكتب محتواها

وتقدر تعمل الكلام ده كله بالأوامر الأتية

event manager applet cisco

event syslog pattern هكتب هنا الرساله اللى عملتلها كوبى لما قفلت البورت

وهبدأ أقوله دلوقتى عالأوامر اللى هيعملها لو البورت قفل

action 1 cli command enable

action 2 cli command conf t

action 3 cli command int s0/0

action 4 cli command no sh

دلوقتى البورت إتفتح لكن انا كمان عاوزه يبلغنى بال Mail ويظهرلى ال SysLog

action 5 syslog priority critical msg وهكتب محتوى ال SysLog Msg اللى هتظهرلى

action 6 mail server 10.0.0.1 to admin@itwithhossam.com from ahmed@network.com

subject "s0/0 issues" body وهكتب هنا محتوى الرسالة اللى فال Mail

exit

هنختم المقال بمثال تانى فكرتة مختلفة ... انا مش هخلى الراوتر يراقب المرة دى

انا هجهز ال Config على الراوتر ولما أحتاج أشغلها هشغلها بأمر بسيط جدا

event manager applet cisco1

event none

انا هنا كتبت none لانه مفيش حاجه يراقبها

وبعدين هبدأ أجهزله الأوامر

action 1 cli command "enable"

action 2 cli command "conf t"

action 3 cli command "router ospf 1"

action 4 cli command "router-id 1.2.3.4"

action 5 cli command "network x.x.x.x x.x.x.x area 0"

وهكذا تقدر تزود أوامر كتير زى منتا عاوز وكلها فالاخر هتشغلها بالأمر البسيط ده

R# event manager run cisco1

وبكده نكون وصلنا لنهاية المقال بتاعنا .. شكرا إنك كملت المقال للأخر.