كورساتنا ال Online هتبدأ فشهر مايو إن شاء الله ... كل التفاصيل هنا
OSPF Type 1 & 2 LSA
بسم الله والصلاة والسلام على رسول الله
سلسلة مقالات جديدة إن شاء الله عن أنواع ال OSPF LSA
ده المقال الأول وهيكون عن Type 1 & 2 LSA .. كوباية القهوة بتاعتك ويلا بينا نبدأ
طبعا كلنا عارفين انه ال OSPF يعتبر Linkstate Routing Protocol
ولو هنوصف ال LS بجملتين مختصرين فهنقول :
1- انه الراوتر بيبقى عارف ال Full Network Map
2 - كمان الراوترات فنفس ال Area بيبقى عندهم نفس ال Database بالضبط
وعلشان ده يحصل بنحتاج يكون عندنا نوعين من أنواع ال LSA ...
والنوعين دول يخصوا فقط ال Area بتاعتنا وهما
Type 1 : Router LSA
Type 2 : Network LSA
وهنتكلم عنهم اليوم بشكل تفصيلي إن شاء الله
يلا بينا نبدأ ب Type 1 LSA : Router LSA
كل راوتر فال Area لازم يبدأ يعرف نفسه لباقى الروترات فبيبدأ يـ Generate حاجتين أساسيين
1- Link State ID
وهنا الراوتر بيعرف نفسه لباقى الروترات عن طريق ال Router-ID
2- Link State Data
وهنا بيبدأ يوصف الشبكات اللى هو متوصل بيها
فلو مثلا متوصل بـ Link نوعه Point to Point .. هيبلغ باقى الروترات الأتى :
-Neighbor ID
- Interface IP address
- Network address
- Subnet Mask
- Metric
أما لو مثلا متوصل ب Pc او عموما شبكة مفيهاش Neighbor
فإحنا بنسمى اللينك ده Stub .. وساعتها هيبلغ باقى الروترات الأتى :
- Network address
- Subnet Mask
- Metric
أما لو مثلا متوصل ب Ethernet Link أو عموما لينك عليه أكتر من Neighbor
فإحنا بنسمى اللينك ده Broadcast Network or Transit Network .. وساعتها هيبلغ باقى الروترات الأتى :
- Interface IP address
- DR
- Metric
طيب وفين ال Network add & Subnet Mask ؟؟
ده هتلاقيه موجود ف Type 2 LSA
ودى المسؤول عنها هو ال DR
فمثلا فالـصورة موجود راوتر 4 هو ال DR يبقى هو اللى هيـ Generate Type 2 LSA واللى بنسميها Network LSA
وبيتعملها Flood على مستوى ال Area لكن مبتخرجش بره ال Area
وبتحتوى على الأتى :
- Address of DR
- Network Address
- Subnet Mask
- Neighbors
وبكده نكون وصلنا لنهاية المقال بتاعنا .. شكرا إنك كملت المقال للأخر.
OSPF Type 3 LSA
بسم الله والصلاة والسلام على رسول الله
ده المقال الثانى فشرح أنواع ال OSPF LSA
مقال اليوم عن Type 3 LSA .. كوباية القهوة بتاعتك ويلا بينا نبدأ
ذكرنا فالمقال السابق إنه ال OSPF لإنه LinkState Routing Protocol فلازم الراوتر يبقى عارف تفاصيل كل الراوترات والشبكات اللى معاه فنفس ال Area
لكن لو فـ Area مختلفة مش مطلوب منه يعرف غير تفاصيل معينة ودى هنلاقيها موجودة ف Type 3 LSA واللى بنسميها Network Summary LSA
واسمها Summary لانها فعلا بتختصر كتير وبتجبلى فقط اللى انا فعلا محتاجة أعرفه عن ال Area المختلفة عنى
يعنى مثلا مش هتقولى الشبكة نوعها ايه هل هى
P-2-P or Broadcast or Stub or Non-B.c ...
مش هتقولى مثلا الشبكة دى موجوده ما بين Neighbor رقم كذا و Neighbor رقم كذا
لان التفاصيل دى تخص فقط الروترات اللى مع بعض فنفس ال Area
لكن مثلا هتقولى 4 حاجات أساسيين
1- انا اسمى ايه ... أقصد ال ABR المسؤل عن Type 3 LSA .. فبيكتب ال R-ID بتاعه
2- عنوان الشبكة اللى موجودة فال Area المختلفة عنى
3- ال Mask الخاص بالشبكة
4- ال Metric الخاص بالشبكة دى من ال ABR ده
لانه ممكن يكون عندنا أكثر من ABR بيوصلك لنفس الشبكة وكل واحد فيهم ب Metric مختلف
لو بصيت معايا فال PDF هتلاقى الراوتر الأزرق عالشمال ف Area 0 محتاج يوصل للشبكة 16
هنلاحظ انه الراوتر رقم 6 أقرب للشبكة علشان كده ال Metric افضل
بعكس الراوتر رقم 10 أبعد عن الشبكة فعلشان كده ال Metric أسوأ
وبكده نكون وصلنا لنهاية المقال بتاعنا .. شكرا إنك كملت المقال للأخر.
OSPF Type 4 & 5 LSA
بسم الله والصلاة والسلام على رسول الله
اليوم بمشيئة الله هنشرح Type 4 & 5 LSA ... كوباية القهوة بتاعتك ويلا بينا نبدأ
فال Design بتاعنا راوتر 2 هو ال ASBR وهيعمل Redistribute لشبكة Connected بيه ولكن خارج ال OSPF وهى الشبكة 12. 0. 0. 0 ب mask 24 ودى طبعا شبكة Classless.
وده هيتم عن طريق أمر ال Redistribution زى ما مكتوب فال PDF
فكده الشبكة الخارجية هتدخل ال OSPF على هيئة Type 5 LSA ودى بيتكتب فيها 5 حاجات مهمين
اسم ال ASBR
رقم ال External network
ال Mask بتاع الشبكة
ال Metric
ال Metric Type .. وده نوعين Type 2 هو ال Default وبيكون رقم ال Metric 20 لكن ممكن تغيره لاى رقم تانى براحتك
و Type 2 رقم ال Metric بيفضل ثابت طول ال Design بدون تغيير
والنوع الأخر هو Type 1 وده الأفضل لانه بيبقى واقعى أكتر ورقم ال Metric بيتغير كل ما الشبكة ال External تتنقل لراوتر أبعد .
وطبعا انت اللى تقدر تتحكم سواء فرقم ال Metric او فال Metric Type بالأمر اللى انا كاتبهولك فال PDF .
ولإن الشبكة Classless فهنحتاج نكتب كلمه Subnets فال Command زى ما هو واضح فال PDF .
بس هنا هيقابلنا مشكلة عند راوتر 7 ... مكتوب عندة ف Type 5 LSA انه فى راوتر اسمه راوتر 2 هيوصلة للشبكة 12 ... المشكلة انه ميعرفش راوتر 2 لانه ف Area مختلفة
وعلشان كده ال ABR بيـ generate Type 4 LSA عشان يقولة أنا راوتر 6 ال ABR وهساعدك توصل لراوتر رقم 2 اللى انت متعرفوش.
فهنلاحظ فال PDF انها بتتكون من 3 حاجات مهمين :
ال ABR اسمه ايه
ال ASBR اسمه ايه
ال Metric لحد ال ASBR
وبكده نكون وصلنا لنهاية المقال بتاعنا .. شكرا إنك كملت المقال للأخر.
OSPF Type 7 LSA NSSA
بسم الله والصلاة والسلام على رسول الله
اليوم بمشيئة الله هنشرح Type 7 LSA & NSSA ... كوباية القهوة بتاعتك ويلا بينا نبدأ
ممكن تسأل نفسك عن Type 6 LSA .. ليه متكلمناش عنها ؟؟
نقدر نقول ان دى مخصصة لل Multicast Traffic .. وتعتبر مش شغاله دلوقتى لإن سيسكو مثلا بتستخدم بروتوكول خاص بيها عن ال Multicast عال WAN بين ال Routers وهو بروتوكول ال PIM
فخلينا نركز مع بعض ف Type 7 LSA ودى خاصه بال NSSA وده نوع من أنواع ال Areas فال OSPF ولو بصيت معايا فال PDF هتلاقينى ملخصهولك بشكل مبسط ان شاء الله
أولا تعال نوضح ايه اللى بيبقى موجود فال NSSA
1- مسموح يدخلها اى شبكة من different area اللى بنقول عليه Type 3 LSA
2- مسموح يدخلها شبكة خارجية External .. لكن بشرط هام جدا وهى انها تكون داخله من ال ASBR اللى فال NSSA .. لكن لو جايالى من ASBR ف different Area فده ممنوع
فلو ال ASBR معاك فنفس ال Area يبقى الشبكة ال External هتدخل عادى وهتتوصف انها Type 7 LSA
لكن لو ال ASBR ف different area فالشبكة ال External هتكون Type 5 LSA وده ممنوع دخوله فال NSSA
يبقى ممنوع ال External LSA رقم 5 تدخل عندى خالص عشان كده انا كاتب انه
5 الى 7 ده ممنوع
لكن العكس مسموح .. مسموح انه Type 7 External LSA تتنقل من ال NSSA وتظهر فال Other Normal Areas على هيئة Type 5 LSA
وهنا هيجى سؤال مهم :
يعنى لو شبكة خارجية External Type 5 LSA ... اتفقنا انها مش هتدخل ال NSSA .. طيب هل الراوترات داخل ال NSSA تقدر ت Ping على الشبكة دى ؟؟
ايوه ده ممكن يحصل لو عملت ال Default Route على ال ABR لانه مش بيبقى موجود by default
وبكده نكون وصلنا لنهاية المقال بتاعنا .. شكرا إنك كملت المقال للأخر.
