Policy-Based Routing "PBR"

الموضوع ده من أهم المواضيع الموجودة بكورس المحترفين CCNP Enterprise

ال لاب اللى فالصورة هو اللى هنشرح عليه إن شاء الله

كلنا عارفيين إن طبيعة الراوتر إنه بيركز على ال Destination Address بشكل أساسى لتحديد المسار اللى هتخرج منه الباكت

يعنى مثلا فالتصميم بتاعنا لو انا حابب أعمل Ping من ال pc فوق عاليسار من الشبكة 10.1.0.0 الى ال Destination 2.2.2.2 اللى هو loopback address عند راوتر 2 عاليمين

هتلاقى الراوتر بتاعك بيمشى من تحت من بورت e0/1 وده لانه أفضل metric فال OSPF

لكن ال PBR هتساعدك تعمل حاجة مختلفة شوية ..

أولا الراوتر هيختار يخرج الباكت منين بناء على ال source وليس ال Destination

طيب أنا ليه ممكن أحتاج أعمل حاجة زى كدة ؟؟

لو مثلا عندى شبكة IP Phones وعاوز ال Voice يخرج فطريق لوحدة عشان ميحصلش Delay or Jitter

فمثلا انا محتاج ال Voice يخرج من فوق لكن باقى الشبكة تخرج من تحت

ال PBR هتساعدك تحقق الهدف ده ... وعلى سبيل المثال هناخد الشبكة 10.1.0.0 كأنها شبكة ال Voice وهنخرجها من فوق

فأنا هعمل Access-list علشان أعمل match لشبكة اللى حددناها

access-list 1 permit 10.1.0.0 0.0.0.255

بعدها هعمل Route-map إعمل فيه Set للطريق المحدد اللى هيخرج منه ال source ده

route-map PBR per 10

match ip add 1

set ip next-hop 10.3.0.1

or

set interface s1/1

يعنى ممكن أحدد ال nexthop or exit interface

وطبعا متنساش تعمل per any فال route-map

route-map PBR per 20

exit

وبعدين هتروح لل Ingress Lan Interface وتطبق عليه ال PBR

int e0/0.10

ip policy route-map pbr

end

جرب دلوقتى تعمل traceroute 2.2.2.2 من ال pc اللى فوق عاليسار هتلاقى الباكت بتمشى من الطريق اللى حددناه فال route-map اللى انا عامل عليه أسهم فالصورة

ولو عملت Debug هتفهم بشكل أفضل بالتأكيد

debug ip policy

خلى بالك كمان من حاجة مهمه

اللى إحنا شرحناه ده بيتطبق على أى باكت هتدخل الراوتر لكن مش خارجة من الراوتر نفسه

فلو حابب تطبقه كمان على باكت خارجة من الراوتر نفسه هتعمل الأمر ده

ip local policy route-map pbr

دلوقتى جرب تعمل Traceroute من الراوتر نفسة وإعمل الأمر ده

R3#trace 2.2.2.2 source e0/0.10

هتلاقىة بينفذ ال Policy وبيمشى من الطريق اللى إنت حددتة من فوق بدل من تحت

وبكده نكون وصلنا لنهاية المقال بتاعنا .. شكرا إنك كملت المقال للأخر.